22. artikulua.
Udalak ordenantza honetako aginduekiko arau-hausteak zigortzeko prozedurari
hasiera emango dio ofizioz edo partikularrek egindako salaketen ondorioz.
Bidearen eta bertako osagaien aurka burututako egintzak delitu edo
falta izan daitezkeenean eskumena duen Aginte Judizialari dagokion
txostena igorriko zaio eta honek ebazpena ematen ez duen bitartean
ez da salaketa prozedurarekin jarraituko. 23.
artikulua.
20. artikuluan aipatzen diren arau-hausteak ondorengo isun hauekin
zigortuko dira:
- Arau-hauste arinak, 5.000,-pta.ko isuna.
- Arau-hauste larriak, 5.000 pzta.tik jarri
beharko lukeen fidantza kopuruaren bitartekoa.
- Arau-hauste oso larria, jarri beharko
lukeen fidantzaren kopurutik hiruhalakora
bitartekoa. Edonola ere gutxiengoa sorturiko kalteen konponketa
estaltze ehinekoa izango da. Kalte hauen konpontze ardura Udalari
dagokion, konponketa egokien iruditzen zaion eran egingo dituelarik.
Lehen aurreikusitako isunez aparte, arau-hausleak bideak horretarako
baimenik izan gabe modu berezian erabiltzearen ondorioz hirugarrenei
sortutako kalteen ardura izango du.
BUKAERAKO XEDAPENAK
24. artikulua.
Udalak ahalmena du Ordenantza hau interpretatzerakoan sor litezkeen
edozein arazo konpontzeko.
25. artikulua.
Bide eta pista bakoitzaren historioa errespetatzearren, Ordenantza
honek ez ditu bide bakoitzeko aspaldidaniko ohiturak estaliko.
26. artikulua.
Ordenantza hau Gipuzkoako ALDIZKARI OFIZIALEAN testu osoa argitaratzen
denetik kontatzen hasi eta hamabost eguneko epean indarrean sartuko
da, bere aldaketa edo derogazioa erabakitzen ez den bitartean indarrean
jarraituko duelarik.
|
