Troskaetako koba Ataungo koba ezagunenetakoa da. Kilometro bateko luzeera du eta amaieran lakutxo batean amaitzen da. Duela 20.000ren bat urteko "Ursus spelaeus" izeneko hartzen bizitoki edo hilobi izandakoa. Aurkitutako bi hartzen hezurdurak Donostiako Zorroaga Museoan daude.

Sarastarriko koba Sarastarri mendiko pagadian, gailurretik ez oso urruti, Lareoko urtegiaren gain aldean dago. Elementu erakargarriena barruko putzu edo “osina” du. Hego Euskalerriko kobazuloetan aurki ditzakegunen artean ederrenetakoa. Sarastarriko Anderearen kondaira mitologikoa bertan kokatzen da.

Trikuharri edo jentilarriak ere ugari dira. Aipatzekoa babestu asmoz beraien inguruan burutu den seinalizazio berriaren kanpaina Aranzadi Zientzi Elkartea Foru Aldundia eta Ataungo Udalaren eskutik. Estazio megalitiko asko daude Aralar guztian. Ataungo lurretan azpimarratzekoak batez ere, Ubegin, Arantzamendin eta Lizarrusti/Aitsu bitartean daudenak: Berrenoa, Igartza, Intsusburu, Balenkaleku, Larreluze, Argonitz, Muñaan, Urrezuloko Armurea, Atxurbi, …