Oinarriak:

1.- Lan hau burutzeko beka jaso nahi duenak, ekainaren 15a baino lehen lanaren proiektua aurkeztu beharko du Ataungo Udaletxean. Jasotako proiektuen artean, epaimahaiak bat aukeratuko du eta hamabost eguneko epean adieraziko da nor den aukeratua.

2.- Lana, taldean edo bakarka egindakoa izan daiteke.

3.- Proiektua aurkezteko, aurkezle bakoitzak Udaletxean jaso beharko
ditu behar diren kartazalak eta fitxak. Lehenengoan, txikia, datu pertsonalak eta lanaren izenburua azalduko dira soilik. Bigarrengoan, haundia, lanaren aurkezpena, eskema, helburua eta laburpen bat bilduko dituen fitxak. Aurkezpen honetan ezin izango da egilearekin erlazionatu daiteken inolako erreferentziarik azaldu.

4.- Aukeratutako lana hurrengo urteko abenduaren 15erako guztiz amaitua eta Ataungo Udalaren esku egon behar du.

5.- Ikerlanak gutxienez 50 orrialde izan beharko ditu. Ordenagailuz, Din A-4 paperean eta disketean aurkeztu beharko da, 12ko hizkiarekin eta tarte normalarekin idatzirik.

6.- Beka 2.500 € izango da eta lana amaitu ondoren emango zaio egileari.