13. artikulua.
Ordaindutako fidantzaren itzulketa eskatzeko, Udalari idazki bat bidali beharko zaio, lanak bukatu direla eta sortu ahal izan diren kalteen konponketa ere bukatu dela adieraziz.

14. artikulua.
Aurreko artikuluan aipatutako idazkia aurkezten denetik hilabeteko epean, eta gai hori dagokion batzordeak emandako informea ikusirik, Alkateak erabakiko du fidantzaren itzulketa, hala badagokio, edota baimenaren jabeari jakinaraziko zaio zer konponketa egin behar dituen. Jakinarazpena egin eta hilabeteko epean beharrezko konponketak burutu ez badira, Udalak, indarrean dagoen Administrazio Prozedurari buruzko Legeak exekuzio subsidiarioari buruz dionaren arabera ekingo du.

15. artikulua.
Baldin eta utzitako fidantza, zuzenean edota zeharka sortutako kalteen konponketa-gastuak estaltzeko hain ez balitz, Udalak ondoriozko erantzunkizunak eskatuko ditu, baimenaren jabearen aurka beharrezko legezko neurriak hartuz.

BIDEEN KONTSERBAZIOA

16. artikulua.
Udalak urtero ikuskatuko du bidea zein egoeratan dagoen, eta narriadurarik atzemango balu, bidea konpontzeko laguntzak ez emateko erabakia hartu ahal izango du, baldin eta bidea lehengo egoera normalean jartzen ez den arte.

17. artikulua.
Auzolana erabiliko da bideen kontserbazio erregularrerako. Horretarako Udalak beharrezko materiala jarri beharko du (harri, ormigoi, hodi, todo-uno eta antzekoak) eta erabiltzaile-onuradunek, lan amankomuna.

18. artikulua.
Norbaitek auzolanean ezingo balu parte hartu, bere ordezkoren bat bidali beharko luke, edo bestela egun bakoitzeko 5.000,-pta. ordaindu. Modu honetan bildutako diruak, bideak sortarazten dituen gastuak ordaintzeko fondo amankomuna osatuko du.

19. artikulua.
Udalak, bidearen erabiltzaile-onuradunen artean eta Udalaren artean bitartekari-lana egingo duen pertsona bat izendatuko du.

20. artikulua.
Aurrez erabakitzen den hilean, erabiltzaile-onuradunek, urtero, beraien ordezkaria izendatuko dute. Gertatutako guztia eta sortzen diren arazoak udal-bitartekariari jakinaraztea dagokio ordezkari honi, beste zenbait eginkizunen artean.

ARAU-HAUSTEAK ETA ZIGORRAK

21. artikulua.
Erantzukizun administratiboa izango dute ondorengo ataletan sailkaturiko arau-hausteak egiten dituztenek:

1.) Arau-hauste arinak:
    - Baimen beharreko iharduerarik, baimena eskatu eta eskuratu aurretik.

2.) Arau-hauste larriak:
    - Baimenari dagokion fidantza ezarri gabe iharduera hastea.
    - Ordenantza honen 3 eta 4 artikuluak diotenaren arabera, baimena behar duten iharduerarik baimenik eskatu gabe hastea.

3.) Arau-hauste oso larria:
    -Atalean dioenaz gain kalteak sortu badira.