XEDATZEN DUT

I. titulua: XEDAPEN OROKORRAK

1. artikulua.- Zera da ordenantza honen xedea Gipuzkoako lurralde historikoko Onura Publikoko Mendien Katalogoko 2.015.1 zk. mendian, Agauntza izenekoan, Arantzamendi parajean, larreak ustiatzeko arauak ematea.
Larratzea, mendi horrek izan ditzakeen ustiapenetako bat, mendia zaindu eta hobetzearekin bat datorren eran egin behar da, uztailaren 8an emandako Gipuzkoako Mendien 6/1994 Foru Arauari, indarrean dagoen Ataungo Onura Publikoko Zelaiak Antolatzeko Planari eta, batez ere, Larreak Ustiatzeko Urteko Planetan ezarritakoari jarraituz.

2. artikulua.- Larratze gaietan Ataungo Udalak eman ditzakeen baimenak bertako herritarren edo udal barrutian dauden nekazaritzako ustialeku edo finken titularren ganaduarentzat izango dira batez ere, behi, zaldi edo ardi espezietakoak izan eta umedun edo umerik gabeko abere emeak edota azienda berritzeko abereak badira.Zentzu horretan, larratzeko orduan lehentasuna izango dute artikulu honen aurreko paragrafoan ezarritakoa betez, Agauntzako auzo larreak, antolamendu baten barruan, ustiatzen ibili ziren titularren aziendek.

3. artikulua.- Ataungo Udalak, larreak ustiatzeko Urteko Planen bidez, zehatz ditzake zeintzuk diren larreratzeko tokiak eta denborak eta, era berean, espezieka larra dezaketen kantitatea ere. Ezarri eta arautu ditzake, era berean, aldi baterako edo iraunkorki aziendentzat sartzea debekatuta egongo diren larre tokiak, eta “hobetutzat” hartzen diren larre tokietarako baldintza espezifikoak jarri ere.

II. titulua: LARRATZEA BAIMENTZEKO BALDINTZAK

4. artikulua.- Ordenantza honek hartzen duen eremuan, oro har, larratzeko baimena eman daiteke behi, ardi eta zaldi aziendak dituzten abaltzainek ordenantzan dauden baldintza objektibo eta subjektiboak bete eta jarriko diren ustiatzeko kuotak ordaintzen badituzte.

5. artikulua.- Auzo larreak ustiatzeko udal baimena eska dezakete I. tituluko 2. artikuluaren barruan egon eta zerga eta auzo betebeharretan eguneratuta badaude.

6. artikulua.- Larratze erregimenean eduki nahi den aziendak behar bezala identifikatuta eta Nekazaritza Ustialekuen Erregistroan izena emanda egon behar du eta, saneamenduari eta abereen mugimenduari buruz dagoen arautegia betetzeaz gain, Gipuzkoako lurralde historikoan, eta udalerri mailan udal agintariek ezar ditzaketen, derrigorrez betebeharreko guztiak bete beharko ditu.

7. artikulua.- Erabat debekatuta dago ahuntzak eta txerriak larreratzea ordenantza honek hartzen dituen mendietan. Behi, ardi eta zaldi aziendei bakarrik utz dakieke larra-
tzen, umedun edo umerik gabeko abere emeak badira, eta/edo azienda berritzeko abereak.