7. Artikulua.- Elkartzearen amaiera edota iraungipenari dagozkion anotazioak, kideetako baten eskariz egitea nahikoa izango da.

V.- ERREGISTROAREN ERANTZUNKIZUNA

8. Artikulua.- Erregistroa Udaleko Idazkaritza Nagusiaren menpe egongo da.

VI.- ERREGISTROAREN GAUZATZEA: LIBURU NAGUSIA ETA XEHETASUN LIBURUA.

9. Artikulua.- Erregistroa Liburu Nagusi baten bidez gauzatuko da eta aurreko artikuluetan aipatutako inskripzioak jasoko dira bertan. Liburuaren orriak mugikorrak izango dira eta bere zenbakia eta zigilua eramango dute. Liburua, zabaltze eta itxierari dagozkion eginbideen bidez hasi eta amaituko da.

10. Artikulua.- Bikote bakoitzaren lehenengo izen emateak oinarrizko inskripzio izaera izango du, horretaz gain gerora sor daitezkeen bestelako idazpenak liburu nagusian jasoko dira.

11. Artikulua.- Erregistroak ere xehetasun liburu bat izango du eta bertan, abizenen araberako ordenari jarraiki, bikoteei eragin diezaieketen xehetasunak liburu nagusiko zein orrialdetan jasotzen diren zehaztuko da.

VII.- ZIURTAGIRIEN IGORPENA ETA INTIMITATEAREN BABESA

12. Artikulua.- Erregistroan bere izena ematen duten pertsonen eta ahaideen intimitatea bermatzeko, ez da idazpenen edukiaren publizitaterik egingo. Elkartzearen kide batek, Epaiek edo Justizi Auzitegiaren eskariz izan ezik eta Erregistroko arduradunak luzatutako ziurtagirietan.

13. Artikulua.- Egiten diren inskripzioak eta eskatzen diren ziurtagiriak dohainik izango dira.

Arau hauek Gipuzkoako Lurralde Historikoko Aldizkari Ofizialean argitara ematen den egunean sartuko dira indarrean. Euskal Herriko Agintaritzaren Aldizkarian ere argitaratu beharko da.