Ongi etorri Ataungo Udalaren web orri honetara.
Alkatetza honetatik eta baliabide berriek eskeintzen diguten bitartekoz, gure herria gertuagotik ezagutzeko aukera eskeini nahi dizugu. Bertan, bizimoduan aurrera egin nahi duen herri batekin topatuko zera. Jentilen garaitik gaurdaino bere nortasunari eusten eta garaian garaiari egokitzen jakin izan duen herria. Udalerri dinamikoa eta berritzailea ezagutuko duzu, proiektu garrantzitsuak garatzen eta betetzen murgilduta dagoena. Etorkizunari sendo aurre egiteko eta herri txiki batek luzaro bizitzeko eskatzen duen egitasmo, azpiegitura, baliabide eta zerbitzu ugari prestatzen ari dena.
Athavit, Athagun, ... ATAUN (ate haundi?) mundu osora zabaldu nahi dugu, eta gure herriko izenarekin lotuz ate haundiena erabili eta ireki nahi dugu gure herriak eskeintzen duena zabaltzeko bazter guztietara.
Ataundarra non nahi aurkitzen dela gure arteko esaunda zaharra da. Gure herritik kanpora bizi zeraten ataundarrok ere, hemendik aurrera, herrian zer egiten den gertuagotik jarraitzeko aukera izango duzue.
Ataun.net orri honek ordea badu beste asmo eta helburu garrantzitsu bat ere: herritarroi, Udaleko informazioa gertuagotik jarraitzeko aukera eskeintzea. Sartu, begiratu eta nabigatu. Udal zerbitzuen gida kontsulta dezakezu, Udalak dituen proiektuen berri jakin, Herrian antolatzen diren ekimen nagusiei buruzko informazioa jaso, … eta ez izan zalantzarik zure iritzi eta iradokizunak azaltzeko. Web orri hau, Udala eta herritarron arteko harreman tresna izateko jaio da.
Eta bukatzeko, Ataun ezagutzen ez baduzu, bixita gaitzazun gonbidatu nahi zaitut. Jentilen herria, mitoak bizirik dauden lurra, Aralarren magalean natur inguru paregabea. Zatoz eta goza ezazu, merezi du! Ondo hartuak izango zarete.
Bittor Oroz Izaguirre
Ataungo alkatea
